![](https://blogger.googleusercontent.com/img/b/R29vZ2xl/AVvXsEjLBStcxabCuVzmoT_vgwPWUNLJO5e101cgETl8iC8rJyPk_UiNBj3GDKLrb1PeRuRUfg-xQD1xb4UhO-J56QmotXACJt4nS1KLYQet_qO1ZPttDPSXCRfAXC_HZ6QTO6PyashVeKVAqBg/s320/Polen+patas+de+atras-1.jpg)
![](https://blogger.googleusercontent.com/img/b/R29vZ2xl/AVvXsEj1PChJXlAooyBcAMd84rnvWUne1X72P23bYgynkQ_cZzVg8mHrd8bNf34onKo2khz90WqSMK4xUctlbJrlbJoeGaeRWVuaVOTlvi_3xbohC__JUFE-NBRyqMJZnX3ZeFROsD2lspUwnzI/s320/Burbujitas+copia.jpg)
L´arnal, os xambres, as arnas de caña rebozadas de bueña de baca y buro, o dia de cortar as arnas, as fizaduras, as bazías con bresca, as farteras de miel, ixa miqueta de amargor de o robillo, la ulor de o fumo... son mas que palabras, son faziendas, y recuerdos de ninona. Cada palabra de ixas ye cuasi una pachina de o libro de a mía infanzia.
Dimpués, cambiemos as arnas biellas de caña por arnas mudernas, y al prenzipiar a leyer libros, paremos cuenta de a nuestra inoranzia, y a curiosidá nos empuchó a estudiar, a fer fotos, a ir a bier as abelletas y aprender de a suya organizazión, de l´ instinto de perfeuta armonía con a naturaleza.
Achuntando as fotos, o fotografo-abellero, os conozimientos de as arnas antiguas, a casa de Turismo Rural y a caseta ta podelas alufrar sin que s´aperziban de cosa; ye o que clamamos mis amigas las abejas-mis amigas as abelletas.
En A Torrozilla, en un local de Casa Lanau, y en un arnal en un campo de tremonzillos, trobarez un puesto ta charrar de abelletas, fer belas, rechirar a tradizión de os arnaleros...
Ye una posibilidá de aprender disfrutando en a naturaleza con un paisache de luxo.
No hay comentarios:
Publicar un comentario