Abside Iglesia Moriello de Sampietro

Abside Iglesia Moriello de Sampietro
Abside Iglesia Morillo de Sampietro

sábado, 6 de enero de 2018

CHARRAR N´ARAGONES

Soi de ixos zarpaús d´aragoneses que han sentiú charrar en casa n´aragonés, anque a mayestra nos deziba en a escuela contino, que charrabamos mal. Nusatros semos os que emos d´emplegar, espardir, y fer rechirar en o tozuelo de os poders politicos e inteletuals... ta cambear o destino de l´ aragonés.

A nuestra fabla ye en a situación autual, seguntes me paez a yo, porque a soziedá que encara la charraba y conozeba, s´esclató, u la esclatón, y  nos fizon bier a nuestra cultura como una incultura. A chen que se quedó en os lugárs –fabláns de aragonés- antiparti de fe-los sentir fracasaús,  eban muitas  necesidáz  antis qu´ aprender aragonés y al no charrase en a escuela, les paez una  “coseta” de yayos. 
Ixo s´apañaba – me paez a yo –
Dende arriba, como cuasi todo, con milloras ta os que l´ estudien y l´ empleguen . Por exiemplo puntos en as oposicions de mayestros…ezt.
Y nusatros os que encara  la charramos una miqueta; emplegala, charrar, en a nuestra fabla, si sapemos una palabra, ponela, con a capeza alta, sin chustifica-se, de traza natural.
Cuan cuasi toz fayamos ixo, os inteletuals, filólogos y estudiosos de a fabla aragonesa, tendrán que parar de rechirar t´atrás, mirar a realidá y fer una normalización y una amostranza en a escuela, que ya ye prou ora.

No hay comentarios:

Publicar un comentario